ඉතාලියේ  මහ නගර සභාවකින් තවත් නගර සභාවකට තම ස්ථිර පදිංචිය Residenza වෙනස් කිරීම හෝ විදේශ රටක සිට ඉතාලියට  පැමිනිමේදී ඉතාලි ජනගහන ලේඛනයේ (ANPR) සෘජුවම අන්තර්ජාලය ඔස්සේ ඉතා පහසු ක්‍රමවේදයන්  ඔස්සේ සිදු කල හැකි නවතම ක්‍රමවේදයක් ඉතාලි රජය විසින් හදුන්වා දෙනු ලැබුවා.

ඉතාලියේ ඕනෑම මහ නගර සභාවකින් වෙනත් නගර සභාවකට තම ස්ථිර පදිංචිය Residenza වෙනස් කිරීම හෝ AIRE හි ලියාපදිංචි ඉතාලි පුරවැසියන් ආපසු ඉතාලියට පදිංචියට පැමිනිමේදී  මෙම ක්‍රම වේදය යටතේ සිදු කල හැකි වනවා.

මෙම නවතම ක්‍රමවේදය හරහා ඉතාලියේ ස්ථිර පදිංචිය වෙනස් කිරීමට තම ඉතාලි ඉලෙක්ට්‍රොනික හැඳුනුම්පත, SPID, හෝ CNS හරහා ප්‍රවේශ වීමට හැකියාව ඇති අතර, ඔබ සහ ඔබේ පවුලේ  සාමාජිකයන් සඳහා ස්ථිර පදිංචිය Residenza මාරු කිරීමට ඉල්ලුම් පත්‍රය සම්පූර්ණ කර එය අදාල නගර සභාව වෙත අන්තර්ජාල ඔස්සේ යොමු කල හැකියි.