ඔබ ඉතාලියේ  රූපවාහිනියේ ක්ෂේස්ත්රයේ රැකියාවක් කිරීමට හෝ රූපවාහිනී වැඩසටහනකට සහභාගී වීමට කැමතිද?

විවිධ රූපවාහිනී වැඩසටහන් සඳහා රායි RAI ආයතනය විසින් මේ දින වල වුර්තිකයින් තෝරාපත් කරගනු ලබන අතර විශේෂයෙන් නළු නිලියන් සහ වැඩසටහන් මෙහෙයවන්නන්ද තෝරාපත් කරගනු ලබනවා.

ඉතාලියේ රායි අතතනය RAI - Radiotelevisione Italiana SpA යනු ඉතාලියේ පොදු ගුවන්විදුලි සහ රූපවාහිනී සේවාවේ ප්‍රධාන  සමාගමයි. මෙම සමගම  යුරෝපයේ විශාලතම සන්නිවේදන සමාගම්  අතරින් එකක් වන අතර එය යුරෝපයේ පස්වන රූපවාහිනී කණ්ඩායමද  වනවා.

1924 වර්ෂයේදී තොරිනෝ Torino නගරයේදී  URI - Unione Radiofonica Italiana සමාගම නමින් උපත ලද මෙම දැවැන්ත සමාගම 1940  වර්ෂයේ මැද භාගයේදී Radio Audizioni Italiane බවට පත් වුවා.

Radiotelevisione Italiana රූපවාහිනී, ඩිජිටල්, චන්ද්‍රිකා සහ ගුවන්විදුලි නාලිකා රාශියක පුළුල් පරාසයක නාලිකා රැසකින් සමන්විත වනවා.  

උදාහරණ ලෙස Rai1, Rai2, Rai3, Rai4, Rai5, Rai Movie, Rai Premium සහ Rai Gulp  සහ,  Rai News24, Rai Storia, Rai Sport, Rai Scuola, Rai Yoyo Rai HD, Rai Radio 1 - 2 - 3, Rai Isoradio සහ Rai GR Parlamento මෙම නාලිකා වනවා.

2021 වසරේ RAI සමගම විසින් යුරෝ බිලියන 2.516 ක් උපයා ඇති අතර යුරෝ මිලියන 30.436 ක ශුද්ධ ලාභයක් ලබා තිබුනා.

Rai සමාගමේ වුර්තිකයින්ගේ තෝරාගැනීම් සඳහා සහභාගී වීමට  මෙම වෙබ් පිටුවට පිවිසීමෙන් අදාල  පෝරමය පුරවා ලියාපදිංචි වීමෙන් අයදුම් කළ හැකියි.